Kjo faqe web përdor cookies për të ofruar një përvojë më të mirë. Me vazhdimin e navigation pranon përdorimin e cookies nga ana jonë OK

EMERGJENCA KORONAVIRUS - Informacione e kontakte

Data:

02/03/2020


EMERGJENCA KORONAVIRUS - Informacione e kontakte

EMERGJENCA KORONAVIRUS – Informacione e kontakte

Numri emergjent në Itali: 1500

Numri i emergjent në Kosovë: 038 2008 0800

Celulari emergjent i Ambasadës së Italisë: +383 (0) 44 185 163

 

UDHËTIMET NË ITALI PËR SHTETASIT ITALIANË DHE TË HUAJ

Hyrjet nga Kosova në Itali janë të rregulluara sipas normave specifike të vendosura nga qeveria italiane lidhur me ndalimin e përhapjes së Coronavirus, të cilave duhet përmbajtur. Një pyetësor i veçantë, plotësisht anonim është në dispozicionit tuaj, ku  sipas legjislacionit italian në fuqi mund të merrni informacione të përgjithshme për udhëtimet nga jashtë vendit drejt Italisë dhe nga Italia jashtë saj.

Legjislacioni aktualisht në fuqi parasheh që, deri më 7 tetor ndalohet hyrja dhe tranziti në Itali për të gjithë ata persona që kanë qëndruar ose kanë kaluar tranzit në 14 ditët e fundit në një nga vendet në vijim: Kosovë, Maqedoni e Veriut, Mali të Zi, Serbi, Bosnje dhe Hercegovinë, Bullgari, Rumani, Armenia, Bahrein, Bangladesh , Brazili, Kil, Kuvajt, Moldavi, Oman, Panama, Peru, Republiken Dominikane, Kolumbia. Ndalimi vlen edhe për ata që kanë leje qëndrimi, nëse të njëjtit kanë qëndruar ose kanë kaluar tranzit në një nga këto vende.

Përjashtim nga ndalimi bëjnë vetëm qytetarët evropianë (BE, Shengen, Britani e Madhe, Andorra, Principata e Monakos, Vatikan) dhe familjarët e tyre bashkëjetues (paraardhësit dhe pasardhësit e drejtpërdrejtë, bashkëshortët, partnerët e përhershëm, pjesëtarët e bashkimit civil) vetëm me vendbanim të regjistruar në Itali para datës 9 korrik 2020: megjithatë për ta vazhdon të mbetet obligimi i vetiozlimit në besim. Po ashtu, mund të hyjnë në Itali me detyrimin që të rrinë në vetizolim, zyrtarë dhe atashe, të emëruar nga Bashkimi Evropian ose organizata ndërkombëtare, atashe diplomatikë, stafi administrativ dhe teknikë të misioneve diplomatike, zyrtarë dhe shërbyes konsullorë, personeli ushtarak në ushtrimin e detyrave të tyre. Njëherit, mund të hyjnë në Itali (më së shumti për 36 orë në rast tranziti ose për 120 orë në rast të qëndrimit të shkurtër), vetëm për arsye pune, edhe ekuipazhet dhe personeli udhëtues i mjeteve të transportit që kanë qëndruar ose kanë kaluar tranzit në Kosovë, Bosnje dhe Hercegovinë, Maqedoninë e Veriut, Mal të Zi dhe Serbi.

Po ashtu, duke filluar nga 13 gushti, edhe ata që mund të hyjnë në Itali e që në 14 ditët e fundit kanë qëndruar ose kaluar tranzit në Kroaci, Greqi, Maltë apo Spanjë, duhet:

a) t’i dëshmojnë transportuesit se kanë kryer testin në 72 orët e fundit dhe se kanë dalë negativ;

ose

b) brenda 48 orëve nga mbërritja në Itali, ta bëjnë testin në një nga strukturat shëndetësore vendore dhe në pritje të rezultatit të testit, të vetizolohen në shtëpinë apo vendbanimin e tyre.

Nga 28 qershori 2020, Aeroporti i Prishtinës është rihapur në trafikun ajror. Ju këshillojmë të verifikoni me kompanitë kryesore ajrore vendore organizimin e fluturimeve për dhe nga Italia. Deri më 10 gusht nuk lejohen fluturime mes Italisë e Kosovës.

Informata të përgjithshme për hyrjen në Itali mund të gjenden në faqen përkatëse të Ministrisë së Punëve të Jashtme.

 

Ata që mbërrijnë në Itali nga Kosova dhe i nënshtrohen vtizolimit në besimit duhet:


– të ruajnë biletën e fluturimit dhe kartonin e nisjes;
– të arrijnë menjëherë, me mjete private, në vendbanimin kryesor, të pajisur me një vetëdeklarim;
– të lajmërojnë hyrjen në Vend te Departamenti i Parandalimit të ALS (Enti Vendori Shëndetit) kompeten kompetent për territorin;
– t’i nënshtroheni 14 ditëve të mbikëqyrjes shëndetësore dhe të vetëizolimit.

Ju lutëm, lexoni me kujdes informatat për masat e kontrollit të miratuara nga Qeveria italiane (rregullorja në fuqi) që vlejnë për shtetasit italianë dhe të huaj.

Të gjithë ata që hyjnë në Itali i këshillojmë të shkarkojnë aplikacionin Immuni.

Për përditësime mbi gjendjen në Itali: Ministria e Shëndetësisë, Mbrojtja Civile, Njësia e Krizave e Ministrisë së Punëve të Jashtme dhe Bashkëpunimit Ndërkombëtar.

Kushdo që gjendet në Itali dhe ka simptome, edhe të lehta, që mund të jenë tregues të infektimit, si temperaturë, kollë, vështirësi në frymëmarrje, lodhje, dhimbje muskulore, NUK duhet të shkojë në strukturat shëndetësore (p.sh. Emergjenca) por duhet të kontaktojë personalisht përmes telefonit mjekun e vet, numrin kombëtar të urgjencës 112 apo numrin gjelbër 1500 të caktuar nga Ministria e Shëndetësisë për emergjencën e Koronavirusit.

 

SITUATA NË KOSOVË

Aktualisht janë të hapura të gjitha vendkalimet kufitare tokësore, si dhe aeroporti i Prishtinës.

Më 18 qershor, Qeveria miratoi një Manual të masave të kontrollit të virusit, në dobi të institucioneve, bizneseve dhe individëve. Më 1 korrik, Qeveria miratoi gjithashtu masa të mëtejshme të kontrollit të infektimit. Me 28 korrik, pas rritjes së shpejtë të të infektuarve me koronavirus ditëve të fundit, aktualisht janë në fuqi të masa të reja kufizuese, si më poshtë:

- obligimi i majtjes së maskës jashtë shtëpisë;

- obligimi i mbajtjes së distancës sociale, prej të paktën dy metrash;

- kufizimi i lëvizjes nga ora 22.30:00 deri në 05:00 në Prishtinë, Prizren, Pejë, Podujevë, GJakovë, LIpjan, Drenas, Ferizaj, Vushtrri, Mitrovicë e Jugut, Gjilan, Fushë Kosovë dhe Shterpcë;

- ndalimi i grumbullimit të më shumë se pesë personave në vende publike;

- ndalimi i grumbullimit të qytetarëve, duke i përfshirë ahengjet familjare private;

- ndalimi i aktiviteteve rekreative, kulturore dhe sportive në mjedise të mbyllura dhe të hapura;

- ndalimi i ceremonive dhe veprimtarive fetare.

- ndalimi i lëvizjes për personat mbi 65 vjeç dhe me sëmundje kronike jashtë orarit 05:00 - 10:00 dhe 18:00 - 21:00.

Jashtë këtij orari restorantet mund të punojnë vetëm në hapësira të hapura duke respektuar largësinë prej 2 metrash ndërmjet tavolinave, si dhe shërbimet take-away (merre me vete).

Duhet të theksohet se në javët e fundit është shënuar rritje e infeksioneve në Kosovë. Bashkëatdhetarëve në Kosovë u rekomandohet të ndjekin me përpikëri udhëzimet e Autoriteteve lokale dhe të zbatojnë masat parandaluese kundër infeksionit të koronavirusit të rekomanduara nga Ministria Italiane e Shëndetësisë.

Informatcione mbi gjendjen e krizës në Kosovë mund të gjenden në faqen e internetit të Autoritetetve lokale. Për më tepër, zyra vendore e Kombeve të Bashkuara boton një raport të detajuar mbi gjendjen e të infektuarëve.

Qytetarët italianë që janë në Kosovë dhe kanë simptoma, edhe të lehta, që mund të jenë tregues të infektimit, si temperaturë, kollë, vështirësi në frymëmarrje, lodhje, dhimbje muskulore, ose që dëshirojnë më shumë informata, ftohen të informojnë Ambasadën e Italisë dhe të kontaktoni përmes telefonit në numrin e emergjent, të caktuar nga Autoritetet kosovare 038 2008 0800.

 

Task Forca Koronavirus

Ambasada e Italisë në Prishtinë

Celulari emergjent: +383 (0) 44 185 163

(Faqja e përditësuar, më 19.08.2020)


327