Kjo faqe web përdor cookies për të ofruar një përvojë më të mirë. Me vazhdimin e navigation pranon përdorimin e cookies nga ana jonë OK

Vizita në Kosovë E Ministrit italian të Mbrojtjes, Lorenzo Guerini

Data:

24/12/2020


Vizita në Kosovë E Ministrit italian të Mbrojtjes, Lorenzo Guerini

Ministri i Mbrojtjes, Lorenzo Guerini arriti sot në Prishtinë për të uruar kontingjentin Italian të misionit NATO-KFOR, i shoqëruar nga Shefi i Shtatmadhorisë, Gjeneral Enzo Vecciarelli. Ai u prit në aeroportin e Prishtinës nga Ambasadori, Nicola Orlando dhe Komandanti i Misionit të NATO-KFOR, Gjeneral Div. Franco Federici.

Gjatë vizitës, Ministri Guerini pati një takim kortezie me homologun e tij Anton Quni, gjatë të cilit u diskutua për bashkëpunimin e shkëlqyeshëm dypalësh dhe kontributin italian për stabilitetin dhe sigurinë e Kosovës dhe rajonit, veçanërisht përmes misionit NATO-KFOR.

Ministri Guerini më pas u prit në Shtabin e Përgjithshëm të KFOR-it nga Komandanti i Misionit, Gjeneral Div. Franco Federici, me të cilin, në emër të Italisë, Ministri u shprehi falënderime të përzemërta ushtarëve dhe ushtareve italiane për shërbimin e tyre në kontekstin kompleks të pandemisë, si dhe u përcolli urimet më të ngrohta për festat.

Italia ka mbajtur Komandën e KFOR-it dymbëdhjetë herë dhe është kontigjenti i dytë më i rëndësishëm në Mision. Përveç Shtabit të Përgjithshëm në Prishtinë, kontingjenti italian është i vendosur edhe në bazën "Villaggio Italia" në Pejë, ku koloneli Gianluca Figus mban poziten e Komandantit të Komandës Regjonale Perëndimore të KFOR-it, dhe në Njësinë e Specializuar Shumëkombëshe (MSU) në Fushë Kosovë, e përbërë tërësisht nga Karabinierët, nën komandën e kolonelit Enio Simone.


393