Ministria e Punëve të Jashtme dhe Bashkëpunimit Ndërkombëtar e Italisë (MAECI) është e gatshme të krijojë çmimin “Science, She Says!” (Shkenca, Ajo Thotë!) për të vlerësuar një shkencëtare të re të shquar femër, e cila me kontributin e saj ka lënë gjurmë në zhvillimin e shkencës dhe teknologjisë, duke kryer kërkime në një nga rajonet e mëposhtme:
- Afrikë dhe Lindje e Mesme
- Azi dhe Paqësor
- Evropë
- Amerikë Qendrore, Jugore dhe Karaibe
- Amerikë Veriore
Për secilin nga pesë rajonet do të zgjidhet një kandidate, ku përcaktues është vendi i punës për të paktën 4 vitet e fundit.
Edicioni i parë i dhënies së Çmimit do të zhvillohet gjatë Konferencës së Atasheve Shkencorë Italianë, që do të mbahet në Padovë, në tetor 2022. Të gjitha fushat e shkencës dhe teknologjisë do të merren parasysh. Çmimi do të përbëhet nga një medalje e gdhendur dhe një diplomë nga Ministria e Punëve të Jashtme dhe Bashkëpunimit Ndërkombëtar e Italisë.
Të gjitha detajet për aplikim i gjeni në dokumentin e thirrjes në bashkëngjitje. Afati i fundit për dorëzimin e propozimeve është 13 shtator 2022.
