{"id":5798,"date":"2024-11-15T19:27:45","date_gmt":"2024-11-15T17:27:45","guid":{"rendered":"https:\/\/ambpristina.esteri.it\/?p=5798"},"modified":"2024-11-18T12:16:47","modified_gmt":"2024-11-18T10:16:47","slug":"java-e-kuzhines-italiane-ne-bote-ne-kosove-ne-kerkim-te-origjines-dhe-traditave-te-perbashketa","status":"publish","type":"post","link":"https:\/\/ambpristina.esteri.it\/sq\/news\/dall_ambasciata\/2024\/11\/java-e-kuzhines-italiane-ne-bote-ne-kosove-ne-kerkim-te-origjines-dhe-traditave-te-perbashketa\/","title":{"rendered":"Java e Kuzhin\u00ebs Italiane n\u00eb Bot\u00eb n\u00eb Kosov\u00eb: n\u00eb k\u00ebrkim t\u00eb origjin\u00ebs dhe traditave t\u00eb p\u00ebrbashk\u00ebta"},"content":{"rendered":"

Nga data 18 deri m\u00eb 24 n\u00ebntor 2024<\/strong>, n\u00eb Kosov\u00eb do t\u00eb zhvillohet edicioni i n\u00ebnt\u00eb i \u201cJav\u00ebs s\u00eb Kuzhin\u00ebs Italiane n\u00eb Bot\u00eb\u201d (SCIM 2024), q\u00eb k\u00ebt\u00eb vit fokusohet n\u00eb tem\u00ebn: \u201cDieta Mesdhetare dhe Kuzhina e Rr\u00ebnj\u00ebve:<\/strong> Sh\u00ebndet dhe Tradit\u00eb<\/strong>\u201d, organizuar nga Ambasada e Italis\u00eb n\u00eb Prishtin\u00eb, n\u00eb bashk\u00ebpunim me Agjencin\u00eb ICE n\u00eb Tiran\u00eb.<\/p>\n

Q\u00ebllimi i k\u00ebsaj nisme \u00ebsht\u00eb t\u00eb promovoj\u00eb kuzhin\u00ebn italiane, duke theksuar rr\u00ebnj\u00ebt e saj tradicionale dhe rolin thelb\u00ebsor t\u00eb Diet\u00ebs Mesdhetare n\u00eb promovimin e nj\u00eb stili jetese t\u00eb sh\u00ebndetshme dhe t\u00eb q\u00ebndrueshme.<\/p>\n

P\u00ebr SCIM 2024, n\u00eb Kosov\u00eb do t\u00eb jen\u00eb t\u00eb ftuar profesor\u00eb dhe student\u00eb nga Instituti Profesional \u201cDomenico Modugno\u201d nga Polignano a Mare, nj\u00eb institucion i shquar n\u00eb fush\u00ebn e enogastronomis\u00eb.<\/p>\n

Fal\u00eb kontributit t\u00eb tyre t\u00eb \u00e7muar, do t\u00eb ofrojm\u00eb nj\u00eb jav\u00eb t\u00eb pasur me p\u00ebrvoja kulinare dhe trajnuese q\u00eb vler\u00ebsojn\u00eb Diet\u00ebn Mesdhetare dhe kuzhin\u00ebn tradicionale italiane si nj\u00eb model ushqimor t\u00eb sh\u00ebndetsh\u00ebm dhe t\u00eb zbatuesh\u00ebm n\u00eb kontekste t\u00eb ndryshme.<\/p>\n

Gjat\u00eb jav\u00ebs, jan\u00eb planifikuar dy darka gala<\/strong> me ftesa: m\u00eb 18 n\u00ebntor n\u00eb Hotel Swiss Diamond n\u00eb Prishtin\u00eb dhe m\u00eb 20 n\u00ebntor n\u00eb Hotel Dukagjini n\u00eb Pej\u00eb.<\/p>\n

file rouge<\/em>\u00a0 e t\u00eb dy darkave do t\u00eb jet\u00eb theksimi i origjinave t\u00eb p\u00ebrbashk\u00ebta t\u00eb kuzhin\u00ebs tradicionale italiane dhe arb\u00ebreshe<\/strong>. N\u00eb fakt, menyt\u00eb e propozuara dhe t\u00eb realizuara nga Instituti \u201cDomenico Modugno\u201d do t\u00eb paraqesin pjata tradicionale t\u00eb kuzhin\u00ebs italiane, t\u00eb pasuruara me elemente t\u00eb kuzhin\u00ebs tipike t\u00eb komunitetit arb\u00ebresh t\u00eb mir\u00ebrr\u00ebnjosur me histori t\u00eb gjat\u00eb dhe i shumt\u00eb n\u00eb Itali, ve\u00e7an\u00ebrisht n\u00eb rajonet e Jugut.<\/p>\n

Darka gala q\u00eb do t\u00eb mbahet n\u00eb Pej\u00eb do t\u00eb shoq\u00ebrohet nga nj\u00eb degustim i gjer\u00eb ver\u00ebrash italiane, i organizuar nga Agjencia ICE<\/strong> dhe Shoqata Italiane e Somelier\u00ebve (AIS)-<\/strong> Club Albania<\/strong>.<\/p>\n

Do t\u00eb organizohen gjithashtu dy \u201cshow cooking\u201d t\u00eb hapura p\u00ebr publikun n\u00eb dy qendrat m\u00eb t\u00eb m\u00ebdha tregtare t\u00eb Prishtin\u00ebs (Albi Mall m\u00eb 19 n\u00ebntor dhe Prishtina Mall m\u00eb 23 n\u00ebntor), ku profesor\u00ebt dhe student\u00ebt e \u201cDomenico Modugno\u201d do t\u00eb prezantojn\u00eb pjata t\u00eb para tradicionale t\u00eb kuzhin\u00ebs italiane. M\u00eb 22 n\u00ebntor, nj\u00eb tjet\u00ebr \u201cshow cooking\u201d do t\u00eb mbahet n\u00eb selin\u00eb e kompanis\u00eb \u201cFrigo Deluxe\u201d, e specializuar n\u00eb pajisje p\u00ebr gastronomi, e dedikuar p\u00ebr nj\u00eb publik profesional.<\/p>\n

Nuk do t\u00eb mungoj\u00eb as trajnimet dedikuar tem\u00ebs s\u00eb aktivitetit, p\u00ebrmes nj\u00eb konference n\u00eb Universitetin UBT n\u00eb Prishtin\u00eb me tem\u00eb: \u201cNutraceutika dhe Gastroceutica: Aleat\u00eb p\u00ebr nj\u00eb format t\u00eb ri t\u00eb ofrimit t\u00eb ushqimeve dhe pijeve \u2013 Ristoceutica\u201d<\/strong>, q\u00eb do t\u00eb mbahet nga Prof. Innocente Galluzzi i \u201cDomenico Modugno\u201d. Pas konferenc\u00ebs, do t\u00eb mbahet nj\u00eb demonstrim gastronomik me p\u00ebrgatitjen e \u201cCialedda Pugliese 2.0.\u201d<\/p>\n

P\u00ebr t\u00eb tretin vit radhazi, gjat\u00eb gjith\u00eb \u201cJav\u00ebs,\u201d disa restorante t\u00eb p\u00ebrzgjedhura n\u00eb Prishtin\u00eb do t\u00eb ofrojn\u00eb meny speciale t\u00eb kuzhin\u00ebs italiane me \u00e7mim fiks<\/strong> prej 10 eurosh<\/strong>. K\u00ebt\u00eb vit, numri i restoranteve pjes\u00ebmarr\u00ebse \u00ebsht\u00eb rritur n\u00eb 17: (Bagolina; Capvin13; Delish-Telinda; Don Napoletano; Extrafish Pejton; Fishop; Il Gusto ristorante italiano; Jana Napoletana; La Napoletana; L\u2019antica pizzeria da Michele; Pastatore; Perla ristorante; Ponte Vecchio; Rita\u2019s; Sette Ristorante Italiano; Sospiro ristorante; Tutto Vino).<\/p>\n

Ju ftojm\u00eb t\u00eb ndiqni n\u00eb rrjetet tona sociale aktivitetet e Jav\u00ebs s\u00eb Kuzhin\u00ebs Italiane n\u00eb Bot\u00eb \u2013 #SCIM2024<\/strong>.<\/p>\n