Në nivel universitar, gjuha italiane ofrohet si gjuhë e huaj kurrikulare si në Universitetin e Prishtinës (UP), përmes Institutit të Gjuhës dhe Kulturës Italiane, ashtu edhe në Kolegjin UBT. Përveç kësaj, falë bashkëpunimit me Ambasadën e Italisë, ofrohen falas kurse të hapura për të gjithë qytetarët, si në Qendrën e Gjuhëve të UP-së (qendraegjuheve@uni-pr.edu) ashtu edhe në Institutin e Gjuhëve të Huaja të UBT-së (ifl@ubt-uni.net).
Në Institutin e Gjuhëve të Huaja të UBT-së është gjithashtu e mundur të jepen provimet e certifikimit gjuhësor CELI të Universitetit për të Huaj të Peruxhas.
Nxënësit e arsimit të detyrueshëm mund ta mësojnë italishten si lëndë kurrikulare në disa shkolla, si American School of Kosova, Mileniumi i Tretë dhe Princeton School of Prishtina (lista nuk është e plotë).
Po ashtu, ekzistojnë edhe shkolla private të specializuara në mësimin e gjuhës italiane, si Qendra Dante dhe Britannica-ELT (lista nuk është e plotë).