Duke filluar nga 3 gushti 2026, letërnjoftimi në format letër nuk do të jetë më i vlefshëm për udhëtim jashtë shtetit, pavarësisht datës së skadimit të shënuar në pjesën e pasme të tij.
Dekretligji nr. 108, i datës 26 qershor 2026, sjell këto ndryshime të rëndësishme:
- letërnjoftimi në format letër, për sa kohë është ende i vlefshëm, mund të përdoret si dokument identifikimi në marrëdhëniet me administratën publike italiane dhe me subjektet që ofrojnë shërbime publike, përfshirë edhe konsullatat.
- në raste urgjente, komunat në Itali mund të lëshojnë një letërnjoftim të përkohshëm, të vlefshëm për udhëtim jashtë shtetit, të cilit nuk mund t’i zgjatet vlefshmëria dhe nuk mund të jetë i vlefshëm për më shumë se 6 muaj. Ky dokument mund të mos pranohet në disa shtete; verifikoni kushtet e hyrjes në Viaggiare Sicuri.
Kontaktoni Konsullatën italiane më të afërt për t’u informuar mbi procedurën e pajisjes me Letërnjoftim Elektronik (CIE): https://www.esteri.it/it/ministero/struttura/laretediplomatica/. Për personat që nuk kanë dokumente të tjera identifikimi janë parashikuar edhe termine të veçanta.
Që nga 1 qershori, shtetasit italianë me vendbanim jashtë Italisë, të regjistruar në AIRE (Regjistri i shtetasve italianë me vendbanim jashtë Italisë), mund të aplikojnë për Letërnjoftimin Elektronik (CIE) edhe pranë çdo komune në Itali, në përputhje me Ligjin nr. 11, datë 19 janar 2026. Mos harroni ta keni me vete Kodin Fiskal.
