Referendum shfuqizues sipas nenit 75 të Kushtetutës – 8/9 qershor 2025
Zgjedhësit që ndodhen përkohësisht jashtë Italisë
Shtetasit italianë me vendbanim në Itali, të cilët për arsye pune, studimi ose trajtimi mjekësor ndodhen përkohësisht jashtë vendit për një periudhë prej të paktën tre muajsh, që përfshin edhe datat e zhvillimit të referendumit shfyqizues sipas nenit 75 të Kushtetutës (8-9 qershor 2025), si dhe familjarët që jetojnë me ta, mund të ushtrojnë të drejtën e votës me postë (sipas nenit 4-bis, paragrafi 1, i Ligjit nr. 459, datë 27 dhjetor 2001).
Për të marrë materialin zgjedhor (fletët e votimit) në adresën ku qëndrojnë përkohësisht jashtë Italisë, këta zgjedhës duhet t’i dërgojnë KOMUNËS ku janë të regjistruar në listat zgjedhore një kërkesë të posaçme brenda datës 7 maj 2025.
Kërkesa (që mund të bëhet përmes formularit të bashkangjitur ose me letër të lirë) duhet t’i dërgohet Komunës me postë, postë elektronike të zakonshme ose të certifikuar, ose mund të dorëzohet me dorë pranë Komunës, edhe nga një person i autorizuar nga vetë zgjedhësi.
Kërkesës duhet t’i bashkëngjitet kopja të dokumentit të identitetit të zgjedhësit dhe duhet të përmbajë adresën e plotë postare jashtë Italisë ku do të dërgohet materiali zgjedhor, si dhe të tregojë Zyrën Konsullore që mbulon atë territor. Gjithashtu, kërkesa duhet të përmbajë një deklaratë që vërteton përmbushjen e kushteve për të votuar me postë, pra që zgjedhësi ndodhet jashtë Italisë për arsye pune, studimi ose trajtimi mjekësor për të paktën tre muaj (përfshirë periudhën e mbajtjes së votimeve), në një vend ku nuk ka rezidencën e përhershme, ose që është familjar që bashkëjeton me një qytetar në të njëjtat kushte. Kjo procedurë vlen edhe për qytetarët italianë të regjistruar në AIRE që qëndrojnë përkohësisht në një Regjistër konsullor të ndryshëm nga ajo e rezidencës së tyre të përhershme.
Deklarata duhet të plotësohet në përputhje me nenet 46 dhe 47 të Dekretit të Presidentit të Republikës nr. 445 datë 28 dhjetor 2000 (Kodi i rregullave mbi dokumentacionin administrativ), duke qenë të vetëdijshëm për pasojat penale në rast të deklaratave të rreme (neni 76 i të dekretit DPR 445/2000).
Kërkesa e paraqitur mund të tërhiqet duke ndjekur të njëjtat procedura brenda të njëjtës datë (7 maj 2025). Ju kujtojmë se kërkesa vlen vetëm për votimin për të cilin është bërë.
