Questo sito utilizza cookies tecnici (necessari) e analitici.
Proseguendo nella navigazione accetti l'utilizzo dei cookie.

Ekspozita “Dialog mes artistësh nga Italia në Kosovë”, në kuadër të Javës Evropiane për Zhvillim të Qëndrueshëm në Prishtinë

Me 28 maj 2018, në restorantin “Dicka zihet Po në Prishtinë, u hap ekspozita “Objektivat e zhvillimit të Qëndrueshëm të Agjendës 2030 – Dialog mes artistësh nga Italia në Kosovë”, nën kujdesin e Qendrës Friulane të Arteve Palstike të Udines dhe me bashkëpunimin e kompanisë Gacaferri dhe Sheshi 21.

Ekspozita, e hapur në edicionin e vitit 2018 të Javës Evropiane për Zhvillim të Qëndrueshëm është gjithashtu pjesë e një dialogu kulturor dhe artistik mes Italisë dhe Kosovës, e filluar me një ekspozitë në Pejë në vjeshtën e vitit 2016. Ekspozita përmban 17 vepra arti të artistëve italianë që kujtojnë dhe formësojnë 17 objektivat e Axhendës 2030 të hartuar nga OKB-ja. Qëllimi i ekspozitës është vetëdijësimi i qytetarëve kosovarë dhe institucioneve të tyre për të ndjekur këto objektiva.

Në hapje, Ambasadori Piero Sardi dhe kuratori i ekspozitës, Ark. Michele Gortan nga CFAP, spjeguan qëllimet e ekspozitës, rëndësinë e Axhendës 2030 dhe bashkëpunimit kulturor në këtë aspekt.

Më 30 maj veprat e artit u vendosen në Hotel Emerald në Prishtinë, me rastin e hapjes të Javës së Zhvillimit të Qëndrueshëm në Prishtinë, e organizuar nga Ministria e Mjedisit dhe Planifikimit Hapësinor të Kosovës, Zyra e BE-së në Prishtinë, GIZ dhe KOSID (Shoqëria Civile e Kosovës për Zhvillim të Qëndrueshëm).

Ekspozita u vizitua nga personalitete të ndryshme të Vendit, përfshirë Kryeministrin e Republikës së Kosovës, z. Ramush Haradinaj dhe Ministren e Mjedisit dhe Planifikimit Hapësinor, znj. Albena Reshitaj.