Përditësim – Pas ngjarjeve tragjike të 24 shtatorit 2023 në veri të Kosovës, koncerti “Sanremo Giovani World Tour” i planifikuar për atë datë në Prishtinë, në marrëveshje me Komunën dhe institucionet tjera kosovare, është shtyer për 1 tetor 2023, në të njëjtin ven (“Sheshi George W. Bush”) dhe në të njëjtën orë (20:00).
______________
Vera e Kosovës po përfundon me një koncert fantastik italian. Të dielën, më 24 shtator, Prishtina do të presë “Sanremo Giovani World Tour” (“Sheshi George W. Bush”, ora 20:00), ngjarja e organizuar nga Ministria e Punëve të Jashtme dhe Bashkëpunimit Ndërkombëtar e Italisë, që prej pesë vitesh po i çon në mbarë botën talentet e seksionit të të rinjve të festivalit të famshëm “ Sanremo”.
Në këtë ngarje do të marrin pjesë Martina Beltrami, Fiat 131, Noor dhe Maninni, si pjesë e një mbrëmjeje muzikore të hapur për publikun, nën prezantimin këngëtarës Marsela Çibukaj, me drejtimin artistik të Maurizio Filardo. Dyshja kosovare MC Kresha dhe Lyrical Son do të jenë të ftuar specialë.
Ambasadori italian në Prishtinë, Antonello De Riu dhe drejtori i Institutit Italian të Kulturës në Tiranë, Alessandro Ruggera deklarojnë: “Jemi jashtëzakonisht të lumtur t’i dhurojmë kryeqytetit kosovar një mbrëmje me muzikë të mrekullueshme italiane. Hite të përjetshme dhe të reja do të kombinohen falë performancave të këngëtarëve, duke kënduar këngët e tyre krahas versioneve të reja të klasikëve të mëdhenj. Skena më pas do të shndërrohet në një hapësirë për shkëmbimin e përvojave dhe mbajtjen e një dialogu artistik e muzikor, ku këngëtarët italianë, së bashku me dyshen më të dashur kosovare, do të emocionojnë publikun me energjinë e tyre krijuese, duke e çuar në një rrugëtim të veçantë zanor“.
“Me krenari të madhe e mirëpresim në Prishtinë këtë projekt të jashtëzakonshëm, që sjell krijimtarinë italiane në Kosovë përmes markës Sanremo, të njohur në mbarë botën dhe duke e kombinuar me krenari me traditat tona muzikore”, shton kryetari i Prishtinës, Përparim Rama, i cili ka garantuar mbështetjen e Komunës për eventin.
Para koncertit në Kosovë, “ Sanremo Giovani World Tour” do të zbarkojë në Tiranë (22 shtator) dhe më pas në Beograd (27 shtator) dhe Sarajevë (29 shtator).
ARTISTËT
Martina Beltrami , kantautorja e lindur në Rivoli, mori pjesë në spektaklin e talenteve “Amici di Maria de Filippi” në vitin 2020. Me këngën e saj të parë “Luci accese” ajo debutoi në vendin e parë në listën e këngëve të iTunes, duke hyrë në ” New Music Friday Italia” dhe “Viral 50 Italia” në Spotify. Artistja është një nga fytyrat e fushatës globale të Spotify “Unlike Any Other”, kushtuar artistëve nga komuniteti LGBTQIA+. Në vitin 2022, “Cara Me”, albumi i saj debutues, u publikua nga Artist First/Fiero Dichi. Në të njëjtin vit këngëtarja mori pjesë në edicionin e saj të parë të “Sanremo Giovani World Tour”, duke performuar në qytetet e Madridit, Brukselit, Beogradit dhe Tiranës.
Fiat 131, pseudonimi i Alfredo Bruno, është emri artistik i frymëzuar nga makina seksi e gjyshit të tij Alfredo, dëshmitare i aventurave të para të dashurisë nën notat e Lucio Dalla. Pas disa koncerteve, duke gravituar mes skenave Indie dhe R’n’B, verën e kaluar Fiat131 fitoi “Deejay On Stage”, konkursin e Radio Deejay. Ai publikoi ” Per sentirsi meno soli “, një remake e ikonës “Notte prima degli exami” me bashkëpunimin e Piazzabologna dhe zërin e pagabueshëm të Antonello Venditti, duke hyrë në të gjitha listat më të rëndësishme të editorialeve indie në Spotify. Ai mori pjesë në “Sanremo Giovani” me këngën “Pupille”, duke u futur për të dytën herë radhazi në Top 20 të tabelës së Airplay të këngëve italiane më të luajtura në radio..
Noor, pseudonimi i Noor Amelie Mocchi, ajo është një këngëtare tetëmbëdhjetë vjeçare, e cila studion kanto dhe piano, duke iu përkushtuar shkrimit të këngëve të saj prej disa vitesh. Artistja jeton në Urbino, vajza e një babai italian dhe një nëne kirgize, ku u rrit në dy botë dhe kultura të ndryshme që zhvilluan tek ajo një bashkim i rëndësishëm në të cilin muzika përfaqëson të vetmen konstante. Në vitin 2021 ajo ishte një nga protagonistet e serialit Rai “Tu non sai chi sono io”; në të njëjtin vit ai publikoi këngët “Respiro” dhe “A Quando”. Aktualisht është në studio regjistrimi duke shkruar albumin e saj të parë. Artistja fitoi Area Sanremo me këngën “Tua Amelie” dhe mori pjesë në mbrëmjen finale të “Sanremo Giovani” 2022.
Maninni , pseudonimi i Alessio Mininni, ai kultivoi qysh herët një dashuri për kitarën, pianon dhe bateritë, duke hedhur themelet për rrugën e tij si producent dhe autor. Kënga e tij “Senza” hyri menjëherë në listat kryesore editoriale të Spotify dhe në Top 100 të Earone. Ai publikoi këngët “Vestito rosso” dhe “Vaniglia”, të mbështetur nga kanale të ndryshme të radiove kombëtare. Në vitin 2021 ai nënshkroi me Sony Music Italy dhe publikoi këngën “Bari NY”, e ndjekur në vitin 2022 nga këngët “Irene” dhe “Caffè”. Në dhjetor të po këtij viti këndoi në finalen e “Sanremo Giovani” me këngën “Mille Porte” dhe po përgatitet të publikojë një projekt të ri regjistrimi, të cilit i paraprin publikimi i këngës “Dicono”.
MYSAFIRËT
MC Kresha, emri artistik i Kreshnik Fazliut dhe Lyrical Son, i lindur Festim. Arifi, janë dy artistë kosovarë të lindur në vitin 1984 dhe të cilësuar si “ikonat e hip-hopit shqiptar”. Që nga viti 2011, ata kanë publikuar katër albume bashkëpunime , duke u bërë jashtëzakonisht të njohur jo vetëm në Kosovë, por para gjithë publikut shqipfolës të Ballkanit Perëndimor. Në vitin 2018, 2019 dhe 2022 morën pjesë në “Sunny Hill Festival”, ngjarje e organizuar në Prishtinë nga këngëtarja dhe ikona e popit, shqiptaro-angleze, Dua Lipa. Kënga “Menemadhe”, e publikuar në bashkëpunim me Ledrin Vulen nga albumi i tyre i tretë “United State of Albania”, aktualisht ka 61 milionë shikime në YouTube.
PREZANTUESJA
Marsela Çibukaj ka lindur në Lushnje (Shqipëri), në vitin 1984. Në moshën 9-vjeçare ajo hipi në një varkë me familjen e saj dhe mbërriti në Itali, ku u rrit në Velletri. Ajo ka qenë e pasionuar pas muzikës që nga fëmijëria dhe gjatë gjithë adoleshencës ka eksperimentuar me zhanre të ndryshme, duke filluar nga blues te roku deri tek akustika. Në vitin 2012 arriti e dyta në “The Voice of Albania” dhe në vitin 2013 mori pjesë në versionin italian. Pas një bashkëpunimi me Noemin, ajo fitoi një kontratë për një emision të njohur televiziv në prime time me kanalin shqiptar “Top Channel”, me të cilin qëndroi e lidhur për tetë sezone. Fituesja e Festivalit “Kënga Magjike 2022”, në dhjetor të po këtij viti mori titullin “Ambasadore e gjuhës dhe kulturës italiane në Shqipëri” nga Ambasada Italiane në Tiranë. Deri në vitin 2023 ajo planifikon të nxjerrë albumin e saj të parë si kantautore.
DREJTIMI ARTISTIK
Maurizio Filardo, drejtor artistik i “Sanremo Giovani World Tour” që nga viti 2019, ishte drejtor muzikor për Sanremo Giovani në 2018 dhe seksionin e shfaqjeve të Sanremo 2019. Ai ishte gjithashtu drejtor muzikor i “Eurovision Song Contest 2022”. Karriera e tij është e ndarë në angazhimet e tij si producent, aranzhues dhe kompozitor i kolonave zanore për kinema dhe TV.
